Plantun de Prouvènço

Pèr coumpara dos planto d'encò nostre

Typha angustifolia & Odontites viscosus

Fielouso

Typha angustifolia

Typhaceae

Àutri noum : Filouso, Paviho-negro, Cire, Sagno, Masseto.

Noms en français : Massette à feuilles étroites, Quenouille à feuilles étroites.

Descripcioun :
Ei pas toujour eisa de destria aquesto fielouso dis àutri paviho. Typha angustifolia a li fueio mens larjo (3-7 mm) aleva d'aquéli di rejit que podon èstre mai larjo (2 cm). A peréu d'auriheto bèn dessinado (fotò) enca qu'acò èi de vèire emé l'auturo de la fueio ! Lou mies es encaro la distànci que desseparo l'espigo masclo de la femelo que fai aperaqui 3,5 cm.

Usanço :
Li fueio de fielouso podon èstre utilisado pèr lou sagnage di cadiero e li flour pèr rempli li matalas. Se saup mens que li brout soun manjadis coume d'espargo. Se pòu faire de farino emé li racino e uno meno de pan emé l'agriero.

Port : Grando erbo
Taio : 1 à 2 m
Fueio : costo paralèlo
Tipe bioulougico : Eloufite
Cicle bioulougico : Planto renadivo

Gènre : Typha
Famiho : Typhaceae

Ordre : Poales

Coulour de la flour : Negro
Petalo : ges
Ø (o loungour) enflourejado : 9 à 74 cm
Flourido : Printèms - Estiéu

Sòu : Ca
Autour basso e auto : 0 à 1200 m
Aparado : Noun
Jun à setèmbre

Liò : Estang - Roubino - Ribiero
Estànci : Termoumediterran à Coulinen
Couroulougi : Bourealo
Ref. sc. : Typha angustifolia L., 1753

Ardèno(-pegouso)

Odontites viscosus

Orobanchaceae Scrophulariaceae

Autre noum : Pinau(-pegous).

Noms en français : Odontite visqueuse, Euphraise visqueuse.

Descripcioun :
L'ardèno-pegouso es uno planto que flouris dins li colo à la fin de l'estiéu. La planto èi redo, primo e proun ramado. Li fueio sou peréu primo (1 à 4 mm de larjo). Se destrìo de sa cousino Odontites lutea qu'èi di proun pegouso e que fai de flour mens duberto d'ounte se vèson pas lis estamino. trachis pamens dins li mémi relarg.

Usanço :
Couneissèn pas d'usanço particuliero pèr aquelo planto. Escriéure au site se n'en sabès mai.

Port : Erbo
Taio : 15 à 60 cm
Fueio : alterno
Tipe bioulougico : Teroufite
Cicle bioulougico : Planto de l'an

Gènre : Odontites
Famiho : Orobanchaceae
Famiho classico : Scrophulariaceae

Ordre : Lamiales

Coulour de la flour : Jauno
Petalo : irreguliero
Ø (o loungour) flour : 3 mm
Flourido : Estiéu - Autouno

Sòu : Ca
Autour basso e auto : Pancaro entresigna
Aparado : Noun
Remarco : Planto pegouso
Avoust à Óutobre

Liò : Tepiero seco - Pinedo - Relarg à jòuinis aubret - Colo
Estànci : Mesoumediterran à Mountagnard
Couroulougi : Eurimediterranènco-Ouèst
Ref. sc. : Odontites viscosus (L.) Clairv., 1811

Partisoun en Prouvènço : CCC à C : mai o mens coumuno ; R à RRR : pulèu o forço raro ; "ges" dins aquéu relarg.

ges

Typha angustifolia & Odontites viscosus

ges

Coumpara Fielouso emé uno autro planto

Coumpara Ardèno(-pegouso) emé uno autro planto